Jatayu wakes

हा लक्ष्मण महाबाहो गुरुचित्तप्रसादक ह्रियमाणां न जानीषे रक्षसा कामरूपिणा ॥

hā lakṣmaṇa mahābāho gurucittaprasādaka hriyamāṇāṃ na jānīṣe rakṣasā kāmarūpiṇā

हंससारससंघुष्टां वन्दे गोदावरीं नदीम् क्षिप्रं रामाय शंस त्वं सीतां हरति रावणः ॥

haṃsasārasasaṃghuṣṭāṃ vande godāvarīṃ nadīm kṣipraṃ rāmāya śaṃsa tvaṃ sītāṃ harati rāvaṇaḥ

जटायो पश्य माम् आर्य ह्रियमाणाम् अनाथवत् अनेन राक्षसेन्द्रेण करुणं पापकर्मणा ॥

jaṭāyo paśya mām ārya hriyamāṇām anāthavat anena rākṣasendreṇa karuṇaṃ pāpakarmaṇā

नैष वारयितुं शक्यस् त्वया क्रूरो निशाचरः … रामाय तु यथातत्त्वं जटायो हरणं मम लक्ष्मणाय च तत् सर्वम् आख्यातव्यम् अशेषतः ॥

naiṣa vārayituṃ śakyas tvayā krūro niśācaraḥ … rāmāya tu yathātattvaṃ jaṭāyo haraṇaṃ mama lakṣmaṇāya ca tat sarvam ākhyātavyam aśeṣataḥ

दशग्रीव स्थितो धर्मे पुराणे सत्यसंश्रयः जटायुर् नाम नाम्नाहं गृध्रराजो महाबलः ॥

daśagrīva sthito dharme purāṇe satyasaṃśrayaḥ jaṭāyur nāma nāmnāhaṃ gṛdhrarājo mahābalaḥ

कथं राजा स्थितो धर्मे परदारान् परामृशेत् रक्षणीया विशेषेण राजदारा महाबल ॥

kathaṃ rājā sthito dharme paradārān parāmṛśet rakṣaṇīyā viśeṣeṇa rājadārā mahābala

षष्टिवर्षसहस्राणि मम जातस्य रावण ।
पितृपैतामहं राज्यं यथावद् अनुतिष्ठतः ।
वृद्धोऽहं त्वं युवा धन्वी सरथः कवची शरी ।
तथाप्य् आदाय वैदेहीं कुशली न गमिष्यसि ॥

ṣaṣṭivarṣasahasrāṇi mama jātasya rāvaṇa
pitṛpaitāmahaṃ rājyaṃ yathāvad anutiṣṭhataḥ
vṛddho 'haṃ tvaṃ yuvā dhanvī sarathaḥ kavacī śarī
tathāpy ādāya vaidehīṃ kuśalī na gamiṣyasi

तिष्ठ तिष्ठ दशग्रीव मुहूर्तं पश्य रावण ।
युद्धातिथ्यं प्रदास्यामि यथाप्राणं निशाचर ।
वृन्ताद् इव फलं त्वां तु पातयेयं रथोत्तमात् ॥

tiṣṭha tiṣṭha daśagrīva muhūrtaṃ paśya rāvaṇa
yuddhātithyaṃ pradāsyāmi yathāprāṇaṃ niśācara
vṛntād iva phalaṃ tvāṃ tu pātayeyaṃ rathottamāt

दृष्ट्वा निपतितं भूमौ रावणं भग्नवाहनम् साधु साध्व् इति भूतानि गृध्रराजम् अपूजयन् ॥

dṛṣṭvā nipatitaṃ bhūmau rāvaṇaṃ bhagnavāhanam sādhu sādhv iti bhūtāni gṛdhrarājam apūjayan