The empty cradle

सुतार्थं वाजिमेधेन किमर्थं न यजाम्य् अहम् ॥

sutārthaṃ vājimedhena kimarthaṃ na yajāmy aham

ततोऽब्रवीद् इदं राजा सुमन्त्रं मन्त्रिसत्तमम् शीघ्रम् आनय मे सर्वान् गुरूंस् तान् सपुरोहितान् ॥

tato 'bravīd idaṃ rājā sumantraṃ mantrisattamam śīghram ānaya me sarvān gurūṃs tān sapurohitān

ऋत्विग्भिर् उपदिष्टोऽयं पुरावृत्तो मया श्रुतः सनत्कुमारो भगवान् पूर्वं कथितवान् कथाम् ऋषीणां संनिधौ राजंस् तव पुत्रागमं प्रति ॥

ṛtvigbhir upadiṣṭo 'yaṃ purāvṛtto mayā śrutaḥ sanatkumāro bhagavān pūrvaṃ kathitavān kathām ṛṣīṇāṃ saṃnidhau rājaṃs tava putrāgamaṃ prati

काश्यपस्य तु पुत्रोऽस्ति विभाण्डक इति श्रुतः ऋष्यशृङ्ग इति ख्यातस् तस्य पुत्रो भविष्यति स वने नित्यसंवृद्धो … नान्यं जानाति विप्रेन्द्रो नित्यं पित्रनुवर्तनात् ॥

kāśyapasya tu putro 'sti vibhāṇḍaka iti śrutaḥ ṛṣyaśṛṅga iti khyātas tasya putro bhaviṣyati sa vane nityasaṃvṛddho … nānyaṃ jānāti viprendro nityaṃ pitranuvartanāt

एतस्मिन्न् एव काले तु लोमपादः प्रतापवान् ।
अङ्गेषु प्रथितो राजा भविष्यति महाबलः ।
तस्य व्यतिक्रमाद् राज्ञो भविष्यति सुदारुणा ।
अनावृष्टिः सुघोरा वै सर्वभूतभयावहा ॥

etasminn eva kāle tu lomapādaḥ pratāpavān
aṅgeṣu prathito rājā bhaviṣyati mahābalaḥ
tasya vyatikramād rājño bhaviṣyati sudāruṇā
anāvṛṣṭiḥ sughorā vai sarvabhūtabhayāvahā

ऋष्यशृङ्गस् तु जामाता पुत्रांस् तव विधास्यति सनत्कुमारकथितम् एतावद् व्याहृतं मया ॥

ṛṣyaśṛṅgas tu jāmātā putrāṃs tava vidhāsyati sanatkumārakathitam etāvad vyāhṛtaṃ mayā

अथ हृष्टो दशरथः सुमन्त्रं प्रत्यभाषत यथर्ष्यशृङ्गस् त्व् आनीतो विस्तरेण त्वयोच्यताम् ॥

atha hṛṣṭo daśarathaḥ sumantraṃ pratyabhāṣata yatharṣyaśṛṅgas tv ānīto vistareṇa tvayocyatām

न तेन जन्मप्रभृति दृष्टपूर्वं तपस्विना स्त्री वा पुमान् वा … मोदकान् प्रददुस् तस्मै … तानि चास्वाद्य तेजस्वी फलानीति स्म मन्यते ॥

na tena janmaprabhṛti dṛṣṭapūrvaṃ tapasvinā strī vā pumān vā … modakān pradadus tasmai … tāni cāsvādya tejasvī phalānīti sma manyate

तत्र चानीयमाने तु विप्रे तस्मिन् महात्मनि ववर्ष सहसा देवो जगत् प्रह्लादयंस् तदा ॥

tatra cānīyamāne tu vipre tasmin mahātmani vavarṣa sahasā devo jagat prahlādayaṃs tadā

भूय एव च राजेन्द्र शृणु मे वचनं हितम् … इक्ष्वाकूणां कुले जातो भविष्यति सुधार्मिकः राजा दशरथो नाम्ना श्रीमान् सत्यप्रतिश्रवः ॥

bhūya eva ca rājendra śṛṇu me vacanaṃ hitam … ikṣvākūṇāṃ kule jāto bhaviṣyati sudhārmikaḥ rājā daśaratho nāmnā śrīmān satyapratiśravaḥ

पुत्राश् चास्य भविष्यन्ति चत्वारोऽमितविक्रमाः वंशप्रतिष्ठानकराः सर्वलोकेषु विश्रुताः ॥

putrāś cāsya bhaviṣyanti catvāro 'mitavikramāḥ vaṃśapratiṣṭhānakarāḥ sarvalokeṣu viśrutāḥ

स त्वं पुरुषशार्दूल तम् आनय सुसत्कृतम् स्वयम् एव महाराज गत्वा सबलवाहनः ॥

sa tvaṃ puruṣaśārdūla tam ānaya susatkṛtam svayam eva mahārāja gatvā sabalavāhanaḥ