Don't tell him
॥ 2.1.2–3 ॥
CrEd 2.1.6–7
Valmikiverse caption
Sanskrit
स तत्र न्यवसद् भ्रात्रा सह सत्कारसत्कृतः ।
मातुलेनाश्वपतिना पुत्रस्नेहेन लालितः ।
तत्रापि निवसन्तौ तौ तर्प्यमाणौ च कामतः ।
भ्रातरौ स्मरतां वीरौ वृद्धं दशरथं नृपम् ॥
sa tatra nyavasad bhrātrā saha satkārasatkṛtaḥ
mātulenāśvapatinā putrasnehena lālitaḥ
tatrāpi nivasantau tau tarpyamāṇau ca kāmataḥ
bhrātarau smaratāṃ vīrau vṛddhaṃ daśarathaṃ nṛpam
English
There he dwelt with his brother,
honoured with every honour,
cherished with a son’s love
by his uncle Ashvapati.
Though they dwelt there, given all they wished,
the two heroic brothers
remembered their aged father,
Dasharatha the king.
॥ 2.68.2–3 ॥
CrEd 2.62.2–3
Vasishtha
Sanskrit
यद् असौ मातुलकुले पुरे राजगृहे सुखी भरतो वसति भ्रात्रा शत्रुघ्नेन समन्वितः तच् छीघ्रं जवना दूता गच्छन्तु त्वरितैर् हयैः आनेतुं भ्रातरौ वीरौ किं समीक्षामहे वयम् ॥
yad asau mātulakule pure rājagṛhe sukhī bharato vasati bhrātrā śatrughnena samanvitaḥ tac chīghraṃ javanā dūtā gacchantu tvaritair hayaiḥ ānetuṃ bhrātarau vīrau kiṃ samīkṣāmahe vayam
English
Since in his uncle’s house,
in Rajagriha, at ease,
Bharata dwells with his brother,
with Shatrughna at his side,
let swift messengers go at once
on horses swift and urgent
to bring the two heroic brothers:
why do we stand and wait?
॥ 2.68.5 ॥
CrEd 2.62.5
Vasishtha
Sanskrit
एहि सिद्धार्थ विजय जयन्ताशोकनन्दन श्रूयताम् इतिकर्तव्यं सर्वान् एव ब्रवीमि वः ॥
ehi siddhārtha vijaya jayantāśokanandana śrūyatām itikartavyaṃ sarvān eva bravīmi vaḥ
English
Come, Siddhartha, Vijaya,
Jayanta, Ashoka, Nandana:
hear now what must be done;
to all of you I speak.
॥ 2.68.6 ॥
CrEd 2.62.6
Vasishtha
Sanskrit
पुरं राजगृहं गत्वा शीघ्रं शीघ्रजवैर् हयैः त्यक्तशोकैर् इदं वाच्यः शासनाद् भरतो मम ॥
puraṃ rājagṛhaṃ gatvā śīghraṃ śīghrajavair hayaiḥ tyaktaśokair idaṃ vācyaḥ śāsanād bharato mama
English
Go to the city of Rajagriha,
swiftly, on horses swift of pace;
cast off your grief, and by my command
say this to Bharata:
॥ 2.68.7 ॥
CrEd 2.62.7
Vasishtha
Sanskrit
पुरोहितस् त्वां कुशलं प्राह सर्वे च मन्त्रिणः त्वरमाणश् च निर्याहि कृत्यम् आत्ययिकं त्वया ॥
purohitas tvāṃ kuśalaṃ prāha sarve ca mantriṇaḥ tvaramāṇaś ca niryāhi kṛtyam ātyayikaṃ tvayā
English
“The priest sends word of your welfare,
and so do all the ministers.
Make haste, and set out from there:
there is urgent work for you.”
॥ 2.68.8 ॥
CrEd 2.62.8
Vasishtha
Sanskrit
मा चास्मै प्रोषितं रामं मा चास्मै पितरं मृतम् भवन्तः शंसिषुर् गत्वा राघवाणाम् इमं क्षयम् ॥
mā cāsmai proṣitaṃ rāmaṃ mā cāsmai pitaraṃ mṛtam bhavantaḥ śaṃsiṣur gatvā rāghavāṇām imaṃ kṣayam
English
Do not tell him Rama is exiled,
do not tell him his father is dead;
when you arrive, say nothing
of this ruin of the Raghavas.
॥ 2.68.9–22 ॥
CrEd 2.62.9–15
silent moment
॥ 2.69.1, 11, 13 ॥
CrEd 2.63.1, 11–12
Valmikiverse caption
Sanskrit
याम् एव रात्रिं ते दूताः प्रविशन्ति स्म तां पुरीम् ।
भरतेनापि तां रात्रिं स्वप्नो दृष्टोऽयम् अप्रियः ।
स्वप्नेऽपि सागरं शुष्कं चन्द्रं च पतितं भुवि ।
सहसा चापि संशन्तं ज्वलितं जातवेदसम् ।
अवदीर्णां च पृथिवीं शुष्कांश् च विविधान् द्रुमान् ।
अहं पश्यामि विध्वस्तान् सधूमांश् चैव पार्वतान् ॥
yām eva rātriṃ te dūtāḥ praviśanti sma tāṃ purīm
bharatenāpi tāṃ rātriṃ svapno dṛṣṭo 'yam apriyaḥ
svapne 'pi sāgaraṃ śuṣkaṃ candraṃ ca patitaṃ bhuvi
sahasā cāpi saṃśantaṃ jvalitaṃ jātavedasam
avadīrṇāṃ ca pṛthivīṃ śuṣkāṃś ca vividhān drumān
ahaṃ paśyāmi vidhvastān sadhūmāṃś caiva pārvatān
English
The very night the messengers
entered that city,
on that same night Bharata
saw this unwelcome dream.
“In dream I saw the ocean dry,
the moon fallen to the earth,
and of a sudden quenched
the blazing fire;
the earth split open,
all manner of trees withered,
I see, and the mountains shattered,
wreathed in smoke.”
॥ 2.69.2–5 ॥
CrEd 2.63.2–5
silent moment
॥ 2.69.6 ॥
CrEd 2.63.6
BharataFriends
Sanskrit
तम् अब्रवीत् प्रियसखो भरतं सखिभिर् वृतम् सुहृद्भिः पर्युपासीनः किं सखे नानुमोदसे ॥
tam abravīt priyasakho bharataṃ sakhibhir vṛtam suhṛdbhiḥ paryupāsīnaḥ kiṃ sakhe nānumodase
English
His dear friend spoke to Bharata,
encircled by his companions,
he sitting among the friends:
“Friend, why do you not rejoice?”
॥ 2.69.7–8 ॥
CrEd 2.63.7–8
Bharata
Sanskrit
शृणु त्वं यन् निमित्तं मे दैन्यम् एतद् उपागतम् स्वप्ने पितरम् अद्राक्षं मलिनं मुक्तमूर्धजम् पतन्तम् अद्रिशिखरात् कलुषे गोमये ह्रदे ॥
śṛṇu tvaṃ yan nimittaṃ me dainyam etad upāgatam svapne pitaram adrākṣaṃ malinaṃ muktamūrdhajam patantam adriśikharāt kaluṣe gomaye hrade
English
Hear why this gloom
has come upon me.
In dream I saw my father,
soiled, his hair unbound,
falling from a mountain’s peak
into a foul pool of dung.
॥ 2.69.9–10 ॥
CrEd 2.63.9–10
silent moment
॥ 2.69.15 ॥
CrEd 2.63.14
Bharata
Sanskrit
त्वरमाणश् च धर्मात्मा रक्तमाल्यानुलेपनः रथेन खरयुक्तेन प्रयातो दक्षिणामुखः ॥
tvaramāṇaś ca dharmātmā raktamālyānulepanaḥ rathena kharayuktena prayāto dakṣiṇāmukhaḥ
English
And in haste the righteous one,
red his garland and his unguent,
in a chariot yoked with donkeys
went forth, his face to the south.
॥ 2.69.17 ॥
CrEd 2.63.15
Bharata
Sanskrit
एवम् एतन् मया दृष्टम् इमां रात्रिं भयावहाम् अहं रामोऽथ वा राजा लक्ष्मणो वा मरिष्यति ॥
evam etan mayā dṛṣṭam imāṃ rātriṃ bhayāvahām ahaṃ rāmo 'tha vā rājā lakṣmaṇo vā mariṣyati
English
This is what I have seen
on this night of dread:
I, or Rama, or the king,
or Lakshmana, will die.
॥ 2.69.18 ॥
CrEd 2.63.16abcd
Bharata
Sanskrit
नरो यानेन यः स्वप्ने खरयुक्तेन याति हि अचिरात् तस्य धूमाग्रं चितायां संप्रदृश्यते ॥
naro yānena yaḥ svapne kharayuktena yāti hi acirāt tasya dhūmāgraṃ citāyāṃ saṃpradṛśyate
English
The man who in a dream
rides in a car yoked with donkeys:
before long the smoke of his pyre
is seen rising high.
॥ 2.69.19, 21ab ॥
CrEd 2.63.16ef–17
Bharata
Sanskrit
एतन्निमित्तं दीनोऽहं तन् न वः प्रतिपूजये शुष्यतीव च मे कण्ठो न स्वस्थम् इव मे मनः जुगुप्सन्न् इव चात्मानं न च पश्यामि कारणम् ॥
etannimittaṃ dīno 'haṃ tan na vaḥ pratipūjaye śuṣyatīva ca me kaṇṭho na svastham iva me manaḥ jugupsann iva cātmānaṃ na ca paśyāmi kāraṇam
English
For this I am downcast,
and do not honour you in turn.
My throat seems withered,
my mind not at rest;
I seem to loathe myself,
and see no cause.
॥ 2.69.21 ॥
CrEd 2.63.18
Bharata
Sanskrit
इमां हि दुःस्वप्नगतिं निशाम्य ताम् अनेकरूपाम् अवितर्कितां पुरा भयं महत् तद् धृदयान् न याति मे विचिन्त्य राजानम् अचिन्त्यदर्शनम् ॥
imāṃ hi duḥsvapnagatiṃ niśāmya tām anekarūpām avitarkitāṃ purā bhayaṃ mahat tad dhṛdayān na yāti me vicintya rājānam acintyadarśanam
English
Having seen this evil dream’s course,
many-formed, unthought of before,
a great fear will not leave my heart,
thinking on the king, past all thought to see.
॥ 2.70.1 ॥
CrEd 2.64.1
silent moment
They are well
॥ 2.70.1–2 ॥
CrEd 2.64.1–2
silent moment
॥ 2.70.3 ॥
CrEd 2.64.3
KekayaMessengers
Sanskrit
पुरोहितस् त्वा कुशलं प्राह सर्वे च मन्त्रिणः त्वरमाणश् च निर्याहि कृत्यम् आत्ययिकं त्वया ॥
purohitas tvā kuśalaṃ prāha sarve ca mantriṇaḥ tvaramāṇaś ca niryāhi kṛtyam ātyayikaṃ tvayā
English
“The priest sends word of your welfare,
and so do all the ministers.
Make haste, and set out from here:
there is urgent work for you.”
॥ 2.70.5–6ab ॥
CrEd 2.64.4–5ab
silent moment
॥ 2.70.7 ॥
CrEd 2.64.6
Bharata
Sanskrit
कच्चित् सुकुशली राजा पिता दशरथो मम कच्चिच् चारागता रामे लक्ष्मणे वा महात्मनि ॥
kaccit sukuśalī rājā pitā daśaratho mama kaccic cārāgatā rāme lakṣmaṇe vā mahātmani
English
Is the king in good health,
my father Dasharatha?
And is it well with Rama,
and great-souled Lakshmana?
॥ 2.70.8 ॥
CrEd 2.64.7
Bharata
Sanskrit
आर्या च धर्मनिरता धर्मज्ञा धर्मदर्शिनी अरोगा चापि कौसल्या माता रामस्य धीमतः ॥
āryā ca dharmaniratā dharmajñā dharmadarśinī arogā cāpi kausalyā mātā rāmasya dhīmataḥ
English
And the noble lady, devoted to dharma,
knowing dharma, seeing by dharma,
is she too well, Kausalya,
mother of wise Rama?
॥ 2.70.9 ॥
CrEd 2.64.8
Bharata
Sanskrit
कच्चित् सुमित्रा धर्मज्ञा जननी लक्ष्मणस्य या शत्रुघ्नस्य च वीरस्य सारोगा चापि मध्यमा ॥
kaccit sumitrā dharmajñā jananī lakṣmaṇasya yā śatrughnasya ca vīrasya sārogā cāpi madhyamā
English
Is Sumitra, who knows dharma,
she who bore Lakshmana
and heroic Shatrughna,
the middle queen, well too?
॥ 2.70.10 ॥
CrEd 2.64.9
Bharata
Sanskrit
आत्मकामा सदा चण्डी क्रोधना प्राज्ञमानिनी अरोगा चापि कैकेयी माता मे किम् उवाच ह ॥
ātmakāmā sadā caṇḍī krodhanā prājñamāninī arogā cāpi kaikeyī mātā me kim uvāca ha
English
Self-seeking, ever fierce,
quick to wrath, proud of her wisdom:
is Kaikeyi well, my mother?
What did she say?
॥ 2.70.11 ॥
CrEd 2.64.10abcd
silent moment
॥ 2.70.12ab ॥
CrEd 2.64.10ef
KekayaMessengers
Sanskrit
कुशलास् ते नरव्याघ्र येषां कुशलम् इच्छसि ॥
kuśalās te naravyāghra yeṣāṃ kuśalam icchasi
English
They are well, O tiger among men,
whose welfare you desire.
॥ 2.70.15 ॥
CrEd 2.64.13
Bharata
Sanskrit
राजन् पितुर् गमिष्यामि सकाशं दूतचोदितः पुनर् अप्य् अहम् एष्यामि यदा मे त्वं स्मरिष्यसि ॥
rājan pitur gamiṣyāmi sakāśaṃ dūtacoditaḥ punar apy aham eṣyāmi yadā me tvaṃ smariṣyasi
English
King, I go to my father’s side,
for the messengers urge me on;
and I will come again
whenever you remember me.
॥ 2.70.16 ॥
CrEd 2.64.14
silent moment
॥ 2.70.17 ॥
CrEd 2.64.15
Kekaya
Sanskrit
गच्छ तातानुजाने त्वां कैकेयी सुप्रजास् त्वया मातरं कुशलं ब्रूयाः पितरं च परंतप ॥
gaccha tātānujāne tvāṃ kaikeyī suprajās tvayā mātaraṃ kuśalaṃ brūyāḥ pitaraṃ ca paraṃtapa
English
Go, child, I give you leave;
in you Kaikeyi is blessed in her son.
Bear my good wishes to your mother
and your father, scorcher of foes.
॥ 2.70.18 ॥
CrEd 2.64.16
Kekaya
Sanskrit
पुरोहितं च कुशलं ये चान्ये द्विजसत्तमाः तौ च तात महेष्वासौ भ्रातरौ रामलक्ष्मणौ ॥
purohitaṃ ca kuśalaṃ ye cānye dvijasattamāḥ tau ca tāta maheṣvāsau bhrātarau rāmalakṣmaṇau
English
To the priest, too, my good wishes,
and to the other best of brahmins;
and, child, to those two great archers,
the brothers Rama and Lakshmana.
॥ 2.70.19–23 ॥
CrEd 2.64.17–21
Valmikiverse caption
Sanskrit
तस्मै हस्त्युत्तमांश् चित्रान् कम्बलान् अजिनानि च ।
अभिसत्कृत्य कैकेयो भरताय धनं ददौ ।
रुक्मनिष्कसहस्रे द्वे षोडशाश्वशतानि च ।
सत्कृत्य कैकेयीपुत्रं केकयो धनम् आदिशत् ।
तथामात्यान् अभिप्रेतान् विश्वास्यांश् च गुणान्वितान् ।
ददाव् अश्वपतिः शीघ्रं भरतायानुयायिनः ।
ऐरावतान् ऐन्द्रशिरान् नागान् वै प्रियदर्शनान् ।
खराञ् शीघ्रान् सुसंयुक्तान् मातुलोऽस्मै धनं ददौ ।
अन्तःपुरेऽतिसंवृद्धान् व्याघ्रवीर्यबलान्वितान् ।
दंष्ट्रायुधान् महाकायाञ् शुनश् चोपायनं ददौ ॥
tasmai hastyuttamāṃś citrān kambalān ajināni ca
abhisatkṛtya kaikeyo bharatāya dhanaṃ dadau
rukmaniṣkasahasre dve ṣoḍaśāśvaśatāni ca
satkṛtya kaikeyīputraṃ kekayo dhanam ādiśat
tathāmātyān abhipretān viśvāsyāṃś ca guṇānvitān
dadāv aśvapatiḥ śīghraṃ bharatāyānuyāyinaḥ
airāvatān aindraśirān nāgān vai priyadarśanān
kharāñ śīghrān susaṃyuktān mātulo 'smai dhanaṃ dadau
antaḥpure 'tisaṃvṛddhān vyāghravīryabalānvitān
daṃṣṭrāyudhān mahākāyāñ śunaś copāyanaṃ dadau
English
To him fine elephants,
bright blankets and deerskins,
the Kekaya king, with honour,
gave as wealth to Bharata.
Two thousand coins of gold,
and sixteen hundred horses:
honouring Kaikeyi’s son,
the Kekaya bestowed this wealth.
Ministers, too, well liked,
trusted and full of virtue,
Ashvapati swiftly gave
to go with Bharata.
Elephants of Airavata’s line and Indrashira’s,
fair to look upon,
and swift donkeys, well yoked:
his uncle gave him these as wealth.
Reared in the inner palace,
with a tiger’s strength and courage,
fang-armed, huge of body,
hounds he gave as a parting gift.
॥ 2.70.24, 29–30 ॥
CrEd 2.64.22–24
Valmikiverse caption
Sanskrit
स मातामहम् आपृच्छ्य मातुलं च युधाजितम् ।
रथम् आरुह्य भरतः शत्रुघ्नसहितो ययौ ।
रथान् मण्डलचक्रांश् च योजयित्वा परःशतम् ।
उष्ट्रगोऽश्वखरैर् भृत्या भरतं यान्तम् अन्वयुः ।
बलेन गुप्तो भरतो महात्मा सहार्यकस्यात्मसमैर् अमात्यैः ।
आदाय शत्रुघ्नम् अपेतशत्रुर् गृहाद् ययौ सिद्ध इवेन्द्रलोकात् ॥
sa mātāmaham āpṛcchya mātulaṃ ca yudhājitam
ratham āruhya bharataḥ śatrughnasahito yayau
rathān maṇḍalacakrāṃś ca yojayitvā paraḥśatam
uṣṭrago'śvakharair bhṛtyā bharataṃ yāntam anvayuḥ
balena gupto bharato mahātmā sahāryakasyātmasamair amātyaiḥ
ādāya śatrughnam apetaśatrur gṛhād yayau siddha ivendralokāt
English
Taking leave of his grandfather
and of Yudhajit, his uncle,
Bharata mounted the chariot
and went, with Shatrughna.
Yoking round-wheeled chariots,
more than a hundred,
with camels, oxen, horses, donkeys,
the servants followed Bharata as he went.
Guarded by an army, great-souled Bharata,
with his grandfather’s ministers, dear as his own self,
taking Shatrughna, free of foes,
left that house like a siddha leaving Indra’s world.